Ghazal



Jis din se Khmoshi hui aawaz hamaari

Gum ho gai SeHraoN meN aawaaz hamari



Pataal meN to aaj hamaiN dekhh rahe ho

Dekhhi nahiN aflaak pe parwaaz hamaari



Gum hote gaay neend ki wadi meN kahiN hum

Go neend bhi ho paai na aaghaz hamari



Dar is ka agar wa ho kisii or jahaaN meN

Deewar na ho phir nazar andaaz hamari



Aao k nae aks ki tnzeem kareN hum

Herat na rahe aaina pardaz hamari



Socha tha k ik dasht ko seraab kareN ge

Be kar gai haay! tag o taaz hamari



Hum bargahe waqt ke Mehmood the Ashraf

karta tha parastish kabhi Ayyaz hamari



                                                Ashraf Naqvi